د هریرود-مرغاب عمومي حوزوي ریاست پلاوو او د غور ولایت د اوبو او انرژي ریاست مسؤلینو ترمنځ د همغږۍ ناسته ترسره شوه

د هریرود-مرغاب عمومي حوزوي ریاست پلاوو غور ولایت ته د خپل سفر په ترڅ کې، د دغهٔ ولایت د اوبو او انرژي رئیس الحاج ملا رحمت الله آماني او د هغه ریاست له کارکوونکو سره د همغږۍ ناسته ترسره کړه.

په دغه ناسته کې نوموړو پلاوو د خپل سفر موخه د اوبو او انرژي په برخو کې د نوموړي ریاست د ستونزو او وړاندیزونو اورېدل او همدارنګه د کاري پلان سره سم د دغه ریاست د کارکوونکو د کړنو ارزونه او څارنه وبلله، او زیاته یې کړه چې د هغوئ د تخنیکي وړتیا لوړولو په موخه ځینې زده کړې هم په نظر کې لرو.

ښاغلي آماني هم له نوموړي پلاوي سره د دغه ریاست موخې، کاري پلانونه، لاسته راوړنې او کاري ننګونې شریکې کړې او د هغوئ له همکاريو څخه یې قدرداني وکړه.