د هریرود مرغاب سیندیزې حوزې عمومي رئیس د هرات ولایت ادرسکن ولسوالي ته سفر وکړ
د هریرود مرغاب سیندیزې حوزې عمومي رئیس الحاج مولوي سید عبدالسلام مستوفي آغا د هرات ولایت ادرسکن ولسوالي ته سفر وکړ او د نوموړې ولسوالي له ولسوال او یو شمیر سپین ږیرو او مخورو سره وکتل.
د یادو لېدنو په بهیر کې د هریرود مرغاب سیندیزې حوزې عمومي رئیس د اوبو د مدیریت او د اوبو په برخه کې د کروندګرو د ستونزو د هوارولو په برخه کې د اوبو او انرژي وزارت د برنامو په هکله هر اړخیز معلومات وړاندې کړل.
همدارنګه، د هریرود مرغاب سیندیزې حوزې عمومي رئیس او د نوموړې ولسوالي مخورو پر ګز سیند باندې د چرخه او پر خرچان سیند باندې د تزر بید او تنګې ازو بندونو له سیمو څخه لیدنه وکړه او هغه سیمې چې د بندونو د جوړولو لپاره ټاکل شوې وي مناسبې وبللې.
