د میدان وردګ ولایت د ولایتي انرژي کمېټې ناسته ترسره شوه
دغه ناسته د میدان وردګ ولایت د اوبو او انرژي رئيس محترم مولوي عبدالصمد حلیم تر مشري لاندې د بامیان ولایت د انرژي مرکزي زون د انجنیرانو، د برېښنا ، ولایت مقام، د کلیو د پراختیا، اقتصاد، چاپېریال ساتنې او صنعت او سوداګري ریاستونو د استازو په شتون کې ترسره شوه.
په دغه غونډه کې پرېکړه وشوه، چې د میدان وردګ ولایت په جغتو، نرخ، دایمیرداد او مرکز بهسود ولسوالیو کې دې د یوه مایکروهایدرو پاور پروژې د پلي کولو په موخه سروې ترسره شي، ترڅو د نوموړو ولسوالیو اوسیدونکي د برېښنا له نعمت څخه برخمنن شي.
