د منځني کابل سیندیزې فرعي حوزې رئيس خلکو ته د پر وخت اجراآتو د ترسره کولو او رښتیني خدمتونو د وړاندې کولو ډاډ ورکړ
د منځني کابل سیندیزې فرعي حوزې نوی ټاکل شوی رئيس محترم مولوي نورالله حکمت د کابل له والي محترم ملا امین الله عبید سره د پېژندګلوي ناسته ترسره کړه.
په دغه لیدنه کې، د کابل والي د منځني کابل سیندیزې فرعي حوزې نوي رئيس ته د مبارکي ویلو ترڅنګ خلکو ته د خدمتونو وړاندې کول سپیڅلي دنده و بلله او د خدمتونو وړاندې کولو په برخه کې د همکارانو د لا زیاتې همکاري غوښتنه وکړه.
همدغه راز، د منځني کابل سیندیزې فرعي حوزې رئيس په دغه لیدنه کې د پر وخت اجراآتو د ترسره کولو او خلکو ته د رښتیني خدمتونو د وړاندې کولو ډاډ ورکړ.
