د لوګر ولایت د سرخاب ذخیروي بند د حقابې پر سر د راولاړې شوې ستونزې د هوارولو په هکله خبرې، اترې وشوې
د لوګر ولایت د اوبو او انرژي رئيس محترم ملا محمد اسماعیل آخندزاده، د دغه ریاست تخنیکي ټیم او د محمد آغې ولسوال محترم محمد ایوب خادم د سرخاب ذخیروي بند د حقابې لرونکو قومي مشرانو سره وکتل او د حقابې پر سر د راولاړې شوې ستونزې د هوارولو په هکله بحث او د اندونو تبادله وکړه.
ښاغلي آخندزاده په دغه ناسته کې وویل، چې مونږ د اوبو عادلانه وېش مسؤلیت په غاړه لرو او دغه موضوع به د اوبو قانون او کړنلارو په رڼا کې هواره کړو.
