د غور ولایت د زیربنا سکتور او طبیعي سرچینو د کمېټې په غونډه کې د غونډو د ارزښت او د سکتور د غړو ادارو ترمنځ د همغږي په هکله خبرې وشوې
دغه ناسته د غور د سیندیزې فرعي حوزې او د غور ولایت د زیربنا سکتور او طبیعي سرچینو د کمېټې د رئيس محترم الحاج ملا رحمت الله اماني تر مشري لاندې د ښاروالي، کانونو، مخابراتو، چاپېریال ساتنې، ښارجوړونې، ټولګټو، هوایي ډګر او برېښنا د رئيسانو په شتون کې ترسره شوه.
په دغه ناسته کې، ښاغلي اماني د غونډو د ارزښت او د زیربنا سکتور د غړو ادارو ترمنځ د همغږي په هکله خبرې وکړې او همدارنګه د سکتور د غړو ادارو د یو میاشتني کړنو په هکله بحث او د اندونو تبادله وشوه.
په ورته مهال، په دغه ناسته کې پرېکړه وشوه، چې د زیربنا سکتور غړې ادارې دې خپلو یو میاشتني کړنو او ستونزو راپورونه چمتو او د توحید په موخه دې د غور سیندیزې فرعي حوزې ته وسپاري.
