د غزني ولایت بند سردې پروژې اړوند د چپ عمومي کانال (۴۴) څلور څلویښت زره جریبه ځمکه تثبیت شوه!
د غزني ولایت د بند سردې پروژې چې شاوخوا (۷۶) شپږاویا زره جریبه زراعتي ځمکي لري د یاد مقدار ځمکو څخه زیاتره ئي د سیمي د اوسیدونکو لخوا په غیر قانوني شکل غصب شوي وې، د غصب شویو ځمکو د تثبیت لپاره د غزني ولایت مقام د غزني ولایت د سیندیزې فرعي حوزې ریاست د رئيس مولوي محمدشفیق "منصورعمر" تر مشري لاندې ګډ هیئت تعین کړ، چي د ولایت مقام نمائنده، د کور او ښار جوړولو ریاست نمائنده, د ارآضی آمریت نمائنده, د عدليي ریاست نمائنده, د اندړو ولسوالي مخکینی ولسوال او محترم مولوي غلام رسول " انس "د ګیرو ولسوالي ولسوال شتون درلود.
د تثبیت نوموړې پروسه د یوې میاشتي په موده کې سرته ورسیده، د نوموړې سیمو خلکو ته د اسنادو مطابق قناعت ورکړل شو، او دوی ته ډاډ ورکړل شو، چې په قانوني طور باندي به د دولتي قانوني اصولو سره سم اولویت د سیمې خلکو ته ورکول کیږي چې په نوموړو سیمو کې خپل زراعت په ښه توګه پر مخ یوسي.
