د سترو قراردادونو د څیړلو ناسته د اوبو او انرژي وزارت د اوبو په معینیت کې ترسره شوه
یاده ناسته د اوبو او انرژي وزارت د اوبو معین ښاغلي مجیب الرحمن عمر آخندزاده په مشرۍ د اړونده وزارتونو او ادارو د معینانو او استازو په شتون کې ترسره شوه.
په دې ناسته کې د شبرغان ښار حلقوي سړک پروژو قراردادونه، د مزارشریف حلقوي سړک جوړولو، د چغچران تر غور ولایته سړک او هرات ولایت لور ته د غور سړک د ساختمان پروژه چې د ټولګټو وزارت اړوند ده، تر څېړنې او بیاکتنې لاندې ونیول شول او د یادو پروژو په تړاو بحث او د اندونو تبادله وشوه.
د یادولو وړ ده چې دغه پلاوي ته د اسلامي امارت د کابیني له خوا دنده ورکړل شوې چې ټول ستر قراردادونه وڅېړې او په پای کې دې د خپلو څېړنو پایلي د تفصیلي راپور په بڼه د اسلامي امارت اقتصادي کمیسیون ته وړاندې کړي.
