د دوشنبه په ښار کی د افغانستان او تاجیکستان چارواکو تر منځ د اوومه ګډ کمیسون غونډه جوړه شوه.
دغه ناستې د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلی پروفیسور محمد همایون قیومي په مشرۍ، د اوبو او انرژۍ وزارت سرپرست ښاغلی انجنیر محمد گل خُلمی او د دواړو هیوادنو د دولتي لوړ پوړو چارواکو په ګډون کې په دوو ورځو کې د تاجیکستان په پلازمېنه دوشنبه کې جوړ شو.
په دې ناسته کې، د افغانستان او تاجکستان ترمنځ د برښنا انرژۍ سیمه ییزو نښلول، اقتصادي، سوداګرۍ اود تخنیکي همکاریو د څلور کمیټو جوړیدو په اړه ټول اړخیزې خبرې اترې ترسره شول.
د افغانستان او تاجیکستان ترمنځ د اقتصادي او سوداګرۍ اړیکو په لا پیاوړتیا په اړه څلور کمیټې، د راغون – پلخمري ۵۰۰ کیلوولټه برېښنا مزي د لیږد په تاسیس، د کندز ولایت لپاره د ۱۱۰ کیلوولټه برښنا مزي له لارې د برښنا انرژۍ تورید قرارداد په نوي کولو، د جم دښتې برښنا بند په تړاو په ګډو څېړنو (چې د ۴۰۰۰ میګاواټه برېښنا وړتیا لري)، سناباد او سیب زار د برښنا بند پروژو د پلي کیدو په اړه په دوه اړخیزو همکاریو، د اوبو ذخیرو او د آمو سیند د سواحلو د تحکیم په برخو کې خبرې اتری ترسره شوه.
په ورته وخت کې په دې ناسته کې د څلورو کمیټو ترمنځ، د ښوونې، د صادراتي او وارداتي توکو د سټنډرډ جوړونې په برخه، د چاپیریال، د ټرانسپورت، د کرنه، د کلتور، د عامه روغتیا، د لوړو زده کړو، د معلوماتي ټیکنالوژۍ او نورې مهمې مسلې په برخو کې د ګډو همکاریو په اړه بحث وشو.
