د برېښنا مارکیټ سوداګریز رئيس او ورسره مل ټیم د برېښنا انرژي په برخه کې د فعالو شرکتونو د پېژندنې او د فعالیتونو د ارزونې په موخه غزني ولایت ته سفر وکړ
د برېښنا مارکیټ سوداګریز رئيس محترم حاجي دولت خان حقیار او ور سره مل تخنیکي ټيم د برېښنا انرژي په برخه کې د فعالو شرکتونو د پېژندنې ، د هغوی د فعالیتونو د ارزونې او د دغو شرکتونو د فعالیتونو د قانوني کېدو په موخه غزني ولایت ته سفر وکړ.
ښاغلي حقیار او ورسره مل ټیم په دغه سفر کې د غزنی ولایت د اوبو او انرژي د رئيس محترم مولوي محمد شفیق منصور عمر سره وکتل او د غزني ولایت د برېښنا انرژي د اوسني وضعیت او په دې برخه کې د شته فرصتونو او ننګونو په هکله بحث وکړ او د هغو شرکتونو لپاره چې د برېښنا انرژي چوپړتیاوې وړاندې کوي، د جواز په ترلاسه کولو باندې ټینګار وکړ.
همدارنګه، نوموړو مسؤلینو په دغه سفر کې په غزني ولایت کې د برېښنا رسونې درې خصوصي شرکتونه وپيژندل او د هغوی فعالیتونه یې وڅېړل.
