د اوبو معینیت اونیزه تخنیکي ناسته ترسره شوه
یاده ناسته د اوبو او انرژي وزارت د اوبو معین محترم مجیب الرحمن عمر آخندزاده تر مشري لاندې د اوبو سکتور د رئيسانو، سلاکارانو او تخنیکي مسئولینو په ګډون د اوبو معینیت د غونډو په تالار کې ترسره شوه.
په دې ناسته کې د بېلابېلو موضوعاتو په ځانګړي توګه د اقتصادي کمیسیون د مصوبې پر بنسټ د کابل ښار د غیر صنعتي زون د معدني اوبو او غیر الکولي مشروباتو شرکتونو ته د کابل ښار څخه بهر د سطحي اوبو سرچینو ټاکل او د کاپیسا ولایت د صیاد سیمې د مطالعاتو په هکله د پرزنټیشن وړاندې کول، د اوبو تأسیساتو لکه د کانالونو، چکډمونو او استیشنونو د ساتنې او مراقبت او د اوبو سرچینو د ملي بانک د ماهیت او ارقامو په هکله بحث او د اندونو تبادله وشوه او اړین تصمیمونه ونیول شول.
د اوبو ښاغلي معین د نوموړو موضوعاتو د غوره ترسره کولو په موخه اړوندو مسؤلینو ته اړین هدایات ورکړل.
