د اوبو محترم معین پرون هم د آمو سیند له تخریب شوو څنډو څخه لیدنه وکړه.
د ا.ا.ا د اوبو او انرژي وزارت د اوبو معین محترم مجیب الرحمن عمر اخندزاده چې د بېلا بېلو ادارو د یوه ګډ هیئت په ترکیب کې د پنج آمو سیندیزې حوزې ته په سفر تللی، پرون د پنجشنبې په ورځ یې هم د ګډ هیئت او تخنیکي ټیم په ملتیا د تخار ولایت د چاه آب،درقد او آی خانم ولسوالیو په ساحو کې د آمو سیند له تخریب شوو څنډو څخه لیدنه وکړه. یاده دې وي چې نوموړی هیئت د ا.ا.ا د کابینې د پریکړې پر بنسټ موظف شوی تر څو د آمو سیند تخریب شوې څنډې وګوري او د استحکاماتو لپاره د بودجې بشپړه طرحه کابینې ته وړاندې کړي.
