د اوبو او انرژي وزارت د دعوت او ارشاد ریاست د ۱۴۰۴ هـ ل کال د ښوونیز نصاب د لومړي پړاو آزموینه واخیستل شوه
د دعوت او ارشاد ریاست د ۱۴۰۴ هجري لمریز کال د ښوونیز نصاب د لومړي پړاو آزموینه نن، چهار شنبه د ۱۴۴۷ هجري قمري کال د ربیع الاول ۱۷، چې د ۱۴۰۴ لمریز کال د وږي له ۱۹ سره سمون لري د اوبو او انرژي وزارت د ټولو کارمندانو په ګډون د دغه وزارت د غونډو په عمومي تالار کې واخیستل شوه.
په دغه آزموینه کې په اسلامي برخه کې بېلابېل او بنسټیز موضوعات لکه جهاد، اسلامي حکومتولي، عدل او انصاف، اخلاص، نیت او اسلامي را کړه ورکړه شامله وه. دغه موضوعات په تېرو شپږو میاشتو کې د اوبو او انرژي وزارت د دعوت او ارشاد ریاست له لوري په منظم او دومداره توګه کارمندانو ته تدریس شوي وو.
د یادونې وړ ده، چې د دعوت او ارشاد نصاب اړوند درسونه هره ورځ په پرله پسې توګه د ماسپښين لمانځه اداکولو وروسته د وزارت په جومات کې وړاندې کېږي او آزموینه یې په کال کې دوه ځله د کارمندانو په پراخ ګډون سره اخیستل کېږي. د دغو برنامو جوړول د دیني پوهې دکچې لوړول، په کاري چاپیریال کې د اسلامي ارزښتونو ټینګښت او د اسلامي حکومتولي په چوکاټ کې د چوپړتیاوو روحیې پیاوړتیا بلل شوې ده.
