د اوبو او انرژي وزارت د بودجې او د پراختیایي پروژو د وضعیت د پرمختګ د ارزولو په هکله ځانګړې ناسته ترسره شوه
دغه ناسته د اوبو او انرژي د سرپرست وزیر محترم الحاج ملا عبداللطیف منصور تر رهبري لاندې د اوبو معین محترم مجیب الرحمن عمر آخندزاده او د دغه وزارت د یو شمېر رئيسانو په شتون کې ترسره شوه.
د ناستې په بهیر کې اړوندو رئيسانو د بودجې دلګولو( مصرفولو) او د پروژو د پرمختګ د وضعیت په هکله راپور ورکړ او په دې برخه کې د وزارت له رهبري سره بشپړ ملعومات شریک کړل.
د اوبو او انرژي سرپرست وزیر د بودجې د لګولو(مصرفولو) د راپور او د پروژو د پرمختګ د وضعیت تر ارزولو وروسته، اړوندو مسؤلینو ته د چارو د غوره پرمخ وړلو او چټکتیا په موخه اړینې لارښوونې او سپارښتنې وکړې.
