د اوبو او انرژي وزارت د اوبو پراختیایی پروژې لپاره د پانګوونې پلان ترتیب کولو برنامه ترسره شوه
د اوبو او انرژي وزارت د اوبو مرستیال ښاغلی انجنیر خان محمد تکل په حضور سره او د عمومی او فرعی سیندیزو حوزو رییسانو په ګدون سره د هیواد په فرعي سیندیزو حوزو کې د اوبو پراختیایی پروژې لپاره د پانګونې هراړخیزه پلان د جوړولو په موخه ۳ ورځنی پروګرام د سه شنبه په ورځ (د مرغومی ۳ مه نیټه) په اوبو او انرژي وزارت کې پیل شو.
د اوبو او انرژي وزارت د اوبو مرستیال ښاغلی انجنیر خان محمد تکل، د دې برنامې موخه د اوبو پراختیایی پروژې لپاره د پانګونې هراړخیز ماسټر پلان چمتو او تنظیمول او د هیواد په ټولو سیندیزو فرعی حوزو کې د کانالونو دقیق نقشه چمتو کول بیان کړل.
پدې برنامه کې ښاغلی تکل په هیواد کې د اوبو مدیریت کولو د اهمیت یادونی ترڅنګ د اوبو پراختیایی پروژې لپاره د پانګونې په موخه د یو روښانه پلان او هراړخیز ماسټر پلان د اطلاعاتو، آمارو او ارقامو سره د چمتو او تنظیمولو باندې ټینګار وکړ.
پدې برنامه کې د اوبو سلاکار انجنیر فرهاد نورزی په هیواد کې د ۲۲۰۰ کانالونو د رغونی څخه خبرداری ورکړ او د کاربردی برنامو او د اوبو پراختیایی پروژې لپاره د لومړیتوب معیارونه په اړه چې د دې پلان په چمتو کولو کې مهم رول لري، توضیحات وړاندې کړل.
د یادونې وړ ده چې پدې برنامه کې د هیواد په ټولو سیندیزو حوزو کې د اوبو پراختیایی پروژې د معلوماتو په اړه په بشپړ بحث او خبرې اترې وشوی چې د پنجشنبې ورځې پورې دا پروګرام دوام لري.
