د اوبو او انرژي وزارت د اوبو معینیت کې د اوبو پروژو د پراختیایي بودجې د لګښت او د پرمختګ وضعیت د څرنګوالي د ارزولو په هکله ناسته ترسره شوه
دغه ناسته د اوبو او انرژي وزارت د اوبو معین محترم مجیب الرحمن عمر آخندزاده تر مشري لاندې د مالي او اداري عمومي رئيس، د مالي او تدارکاتو رئيسانو، د اوبو سکتور د تخنیکي رئيسانو، سلاکارانو او د دغه معینیت د یو شمېر تخنیکي مسؤلینو په شتون کې ترسره شوه.
د دغې ناستې په بهیر کې، اړوندو رئيسانو د بېلابېلو موضوعاتو لکه د بودجوي پلانونو د پلي کولو، د پراختیایي بودجې د څرنګوالي، د پروژو د تدارکاتي پروسې، له پلان سره سم د پروژو د سروې او ډيزاین د پرمختګ او همدارنګه د اوبو پراختیایي پروژو د فزیکي پرمختګ د وضعیت په هکله راپورونه او بشپړ معلومات وړاندې کړل.
د اوبو محترم معین د وړاندې شوو راپورونو تر اورېدلو او هر اړخیزې ارزونې وروسته، د چارو په پرمختګ کې د چټکتیا او د اوبو پراختیایي پروژو د اغېزمن او شفاف لګښت د ډاډ منکېدو په موخه اړوندو رئيسانو او مسؤلینو ته اړینې سپارښتنې او لارښوونې وکړې.
