د اوبو او انرژي وزارت دوه تنه نوي رئيسان همکارانو ته ور وپېژندل شول
محترم خلیل الرحمن خاکسار چې تر دې مخکې د نړیوالو اړیکو د متخصص په توګه دنده ترسره کوله، اوسمهال د برېښنا مارکیټ د حقوقي رئيس په توګه او محترم ایمل چې تر دې مخکې د اسنادو د ترتیبولو د متخصص په توګه دنده ترسره کوله، اوسمهال د وزارت د رهبري مقام د لزوم دید او وړاندیز او د ریاست الوزرا لوړ مقام د حکم پر بنسټ د برېښنا مارکیټ د سوداګریز رئيس په توګه وټاکل شول او همکارانو ته ور وپېژندل شول.
د دغو رئيسانو د پېژندنې غونډه د انرژي معین محترم الحاج ملا عبدالهادي یعقوب، د اوبو او انرژي وزرات د دفتر د عمومي رئيس محترم قاري محمد عبدالعزیز عزیز او د دغه وزارت د یو شمېر نورو رئيسانو په شتون کې ترسره شوه.
په دغه غونډه کې، محترم قاري محمد عبدالعزیزعزیز د امراوو د اطاعت ، اخلاص او خلکو ته د رښتینې خدمتونو ارزښت باندې په ټینګار سره د اسلامي امارت په ادارو کې ادلون، بدلون یو مهم اصل وباله.
د اوبو او انرژي وزارت د دفتر عمومي رئيس د دغو رئيسانو د کورنیو سرښندنې وستایلې او د دغو رئيسانو ارزښتناکو کړنو ته په اشارې سره، هغوی ته خلکو او هېواد ته د خدمت کولو په برخه کې د بریا غوښتنه وکړه.
