د اوبو او انرژي وزارت او د یونسیف موسسې ترمنځ د ګډو همکاریو د پیاوړتیا په موخه د همغږۍ ناسته ترسره شوه
د اوبو او انرژي وزارت د اوبو معین محترم مجیب الرحمن عمر آخندزاده د خپل کار په دفتر کې د یونسیف موسسې له مسؤلینو سره د اوبو په سکتور کې د همغږي او ګډو همکاریو د پياوړتیا په هکله بحث او د اندونو تبادله وکړه.
دغه ناسته چې د تېرو ناستو په دوام کې ترسره شوې وه، د دواړو لورو ترمنځ د پرمختګ وضعیت او د ګډو فعالیتو بهیر وڅېړل شو،همدارنګه د سطحي او ځمکې لاندې اوبو په هکله د تخنیکي معلوماتو د شریکولو، د وړتیا لوړولو برنامو په ترسره کولو او چارو د چټکتیا په برخه کې اړینې همغږۍ رامنځته شوې.
