د اوبو او انرژي سرپرست وزیر پکتیا ولایت کې د یوې مدرسې د علماو او حفاظو کرامو په فراغت غونډه کې ګډون وکړ
د اوبو او انرژي سرپرست وزیر محترم الحاج ملا عبداللطیف منصور د پکتیا ولایت په ډنډ پټان ولسوالي کې د خلیفه صاحب عبدالواحد نقشبندي د جامعه نقشبندیه مدرسې د علماو او حفاظوکرامو په فراغت غونډه کې ګډون وکړ او د نوموړې مدرسې علماو او حفاظو کرامو ته د مبارکي ویلو ترڅنګ د نوموړ مدرسې د استادانو هڅې وستایلې.
د اوبو او انرژي سرپرست وزیر په دغه غونډه کې په اوسني شرایطو کې د دیني علومو د زده کړې، ارزښت د علماو د مسؤلیتونو او د دین او دیني ارزښتونو په ساتنه کې د علماو د رول په هکله خبرې وکړې.
د اوبو او انرژي سرپرست وزیر په دغه فراغت غونډه کې له علماو او حفاظوکرامو څخه وغوښتل چې خپل مسؤلیتونه په ښه توګه ترسره او د اسلامي نظام د ټینګښت او د شریعت د پلي کېدو په برخه کې له اسلامي امارت سره همکاري وکړي.
همدارنګه، د اوبو او انرژي سرپرست وزیر په نوموړي فراغت غونډه کې د اسلامي امارت د اقتصادي او سیاسي تګلارو په هکله هم خبرې وکړې او په دې هکله یې اړین معلومات له ګډونوالو سره شریک کړل.
