د اوبو او انرژي سرپرست وزیر په چین کې د افغانستان اسلامي امارت له سفارت څخه لیدنه وکړه.
د افغانستان اسلامي امارت د اوبو او انرژي سرپرست وزیر محترم الحاج ملا عبداللطیف منصور او مل پلاوي یې چین هېواد ته د خپل روان سفر په ترڅ کې په پلازمينه بیجینګ کې د افغانستان اسلامي امارت له سفارت څخه لیدنه وکړه،چې دسفارت د مسئولینو له خوا یې دروند هرکلی وشو. دیادي لیدنې په بهیر کې محترم وزیر صاحب په چین کې د افغانستان اسلامي امارت له سفیر ښاغلي بلال کریمي او د سفارت له کارمندانو سره د افغانستان اسلامي امارت او ګاونډي هېواد چین په سیاسي، اقتصادي او سوداګریزو اړیکو باندې بحث او د اندونو تبادله وکړه. دوی له چین هېواد سره د افغانستان اوسنۍ اړیکې د ډاډ وړ وبللې او د یادو اړیکو پر لا زیاته پراختیا او پیاوړ تیا باندې یې ټینګار وکړ.
