د اوبو او انرژي سرپرست وزیر د بامیان له والي سره په هغه ولایت کې د اوبو او انرژي د پروژو په هکله خبرې وکړې
د اوبو او انرژي سرپرست وزیر محترم الحاج ملا عبداللطیف منصور د خپل کار په دفتر کې د بامیان له والي محترم مولوي عبدالله سرحدي او د بامیان د سیندیزې فرعي حوزې له رئيس محترم الحاج ملا محمد داود علي سره وکتل او په هغه ولایت کې یې د اوبو د مدیریت او د انرژي د پراختیا پروژو په هکله خبرې وکړې.
په دغه لیدنه کې، د بامیان والي او د نوموړي ولایت د سیندیزې فرعي حوزې رئيس د اوبو او انرژي پروژو د پلي کولو په برخه کې د خلکو ستونزې او وړاندیزونه د اوبو او انرژي له سرپرست وزیر سره شریک کړل او په هغه ولایت کې یې د اوبو د بندونو او د برېښنا رسونې پروژو دپلي کولو غوښتنه وکړه.
د اوبو او انرژي سرپرست وزیر هغوی ته ډاډ ورکړ،چې شته امکاناتو ته په کتو سره به په بامیان ولایت کې د اوبو او برېښنا پروژو د پلي کولو په برخه کې رسیدګي وشي.
