د اوبو او انرژي سرپرست وزير د خالد بن وليد قول اردو له ګڼ شمېر مجاهدينو سره وکتل.
د اوبو او انرژي سرپرست وزير محترم الحاج ملا عبداللطيف منصور ننګرهار او لغمان ولايتونو ته دخپل سفر په لړ کې د خالد بن وليد قول اردو له ګڼ شمېر مجاهدينو سره وکتل او له هغوى سره يې د جهاد د ارزښت او د مجاهدينو د مسٶليتونو په هکله خبرې،اترې وکړې ښاغلى منصور په خپلو خبرو کې په هېواد کې د اسلامي نظام حاکميت يو الهي نعمت وباله او ټينګار يې وکړ، چې د دې ستر الهي نعمت د شکر د ادا کولو په موخه ټول مجاهدين بايد په رېښتينولي او يووالي سره هڅه وکړي او د دښمن د تبليغاتو په وړاندې تل وېښ و اوسي د اوبو او انرژي سرپرست وزير په دغه قول اردو کې ځوان مجاهدين يې د نظامي علومو زده کړو ته وهڅول او له هغوى څخه يې وغوښتل، چې د اسلامي شريعت سره سم خپل مسٶليتونه په ايمانداري، رېښتينولي او ښه اخلاقو سره د اسلامي نظام د ساتنې په برخه کې پرمخ يوسي.
