د انرژي معینیت اداري ناسته ترسره شوه
یاده ناسته د اوبو او انرژي وزارت د دفتر عمومي رئيس او د دې وزارت د انرژي معینیت وارسي کوونکی ښاغلي قاري محمد عبدالعزیز "عزیز " تر مشري لاندې د رئيسانو او ټولو تخنیکي مسؤلینو په ګډون ترسره شوه.
په یاده ناسته کې د انرژي معینیت د پروژو لپاره د لنډ مهاله او اوږد مهاله پلانونو د جوړولو او پلي کولو، د یاد معینیت لپاره د منظم استراتیژیک پلان پر جوړولو باندې کار، د انرژي په برخه کې د فعاله شرکتونو په هکله اروزنې او څېړنې او همدارنګه د یاد معینیت د ریاستونو لپاره د اونیز او میاشتني کاري پلانونو د ترتیبولو او نورو بېلابېلو موضوعاتو باندې بحث او د اندونو تبادله ترسره شوه او اړین تصمیمونه ونیول شول.
د اوبو او انرژي وزارت د دفتر عمومي رئيس د ناستې د غړو د اندونو او معلوماتو تر څېړلو وروسته، اړین هدایات ورکړل او مشخصې کمېټې یې د چارو د غوره ترسره کولو په موخه وټاکلې.
