د انرژي د تولید بندونو د پروژو د پلي کولو په برخه کې د ګډې همکاري په موخه د ۷۷ ترکي شرکت له استازي سره د همغږي ناسته ترسره شوه
د اوبو او انرژي وزارت د اوبو معین ښاغلي مجیب الرحمن عمر آخندزاده د خپل کار په دفتر کې د ۷۷ ترکي شرکت له استازي ښاغلي بوراک اونسال سره د سروبي ۲ برېښنا بند، د کجکي بند او د کندهار ولایت په ارغستان ولسوالي کې د دهلې بند د پروژو په برخو کې د ګډې همکاريو په هکله بحث او د اندونو تبادله وکړه.
په یاده لیدنه کې، د ۷۷ ترکي شرکت استازي د یادو پروژو دپلي کولو په برخه کې د مطالعاتو او نورو تخنیکي همکاریو د ترسره کولو په موخه د خپلو فعالیتونو په هکله اړین معلومات وړاندې کړل.
د اوبو ښاغلي معین د یاد شرکت د استازي د معلوماتو تر څېړلو وروسته د چارو د غوره پرمخ وړلو په پار لازمې لارښوونې وکړې او پر لازیاتو همغږیو باندې یې ټینګار وکړ.
