د اف. اې. او موسسې مسؤلینو په لوګر ولایت کې د اوبو پروژو د پلي کولو په برخه کې لیوالتیا څرګنده کړه
د لوګر ولایت د اوبو او انرژي رئيس محترم ملا محمد اسماعیل آخندزاده او ورسره مل تخنیکي ټیم د اف. اې او موسسې له مسؤلینو سره وکتل او په لوګر ولایت کې د اوبو پروژو د پلي کولو په هکله بحث او د اندونو تبادله وکړه.
ښاغلي آخندزاده په دغه لیدنه کې د نوموړې موسسې له مسؤلینو څخه و غوښتل چې په لوګر ولایت کې د اوبو پروژې پلي کړي.
په ورته مهال، د نوموړې موسسې مسؤلینو په نوموړي ولایت کې د اوبو پروژو د پلي کولو په برخه کې لیوالتیا څرګنده او زیاته یې کړه، چې د دغه ولایت په بېلابېلو سیمو کې به د اوبو ودانیو د جوړېدو په برخه کې سروې ترسره او د سروې تر بشپړېدو وروسته به عملي چارې پيل شي.
