د افغانستان د سوداګریزو او ودانیو د فرصتونو یولسم کنفرانس په مرمرین ماڼۍ کې ترسره شو.

د افغانستان د سوداګریزو او ودانیو د فرصتونو یولسم کنفرانس په مرمرین ماڼۍ کې ترسره شو.
دا کنفرانس د ولسمشر د ستر سلاکار محمد یوسف پشتون، د اوبو او انرژی وزارت سرپرست انجنیر محمد ګل خُلمی، د ساختمانی شرکتونو د رییسانو او غړو او د مربوطه اداراتو د استازو أه ګدون په مرمرین ماڼۍ کی ترسره شو.
په دی کنفرانس کې د اوبو او انرژی وزارت سرپرست ښاغلی انجنیر محمد ګل خُلمی په افغانستان کی د سوداګرۍ او ساختماني فرصتونو او په دې اړه د اوبو او انرژی وزارت په رول خبرې وکړی او وی ویل: د اوبو او انرژۍ وزارت یو اړینه موخه دا ده چی د خصوصي سکټورنو سره په بشپړی همغږۍ او همکاری کې، د بنسټیز پراختیا لپاره فعالیت ولری. 
ښاغلي خلمی زياته کړه چې تر اوسه پورې د اوبو او انرژې وزارت د خصوصي سکټورنو د لاری پنځه بنسټيزی پروژی پیل کړي، چی دغه پروژی د عامه او خصوصي ګډون له لارې د کورني سرچینو څخه د بریښنا د تولید لپاره 300 میلیون ډالرو نه ډیر ارزښت لري. ښاغلي خُلمی زياته کړه چې د اوبو او انرژۍ وزارت لومړی دولتی اداره ده چې د ودانیزو شرکتونو د اتحادیې سره د تفاهم یاد داشت لاسلیک کړي دی او د ساختماني شرکتونو له اتحادیې چارواکو څخه یی غوښتنه وکړه چی د کار د قانون او د بازار د غوښتنی په مطابقت کی خپل فعالیتونه ترسره او همغږی کړی ترڅو د همکاری په برخه کی لازمی اسانتیاوی رامنځته شی.