د اسلام او سیاست په هکله د دعوت او ارشاد ریاست تربیوي او اصلاحي سمینار ترسره شو

دغه سمینار چې د اوبو او انرژي وزارت د ګڼ شمېر کارمندانو په ګډون تر سره شوی وو، د استملاک د همغږۍ کارپوه ښاغلي مولوي محمد اسحق برهاني د اسلام او سیاست په هکله خبرې وکړې.

ښاغلي مولوي برهاني په خپلو خبرو کې د اسلام سپیڅلی دین د الهي نعمتونو څخه یو ستر نعمت وباله او د دې دین د لارښوونو پیروي یې په دنیا او آخرت کې د انسان د نجات یوازنۍ لار  وبلله.

هغه په خپلو خبرو کې د اسلام د لارښوونو او تاریخي روایتونو ته په نغوتې( اشارې) سره ټینګار وکړ، چې د اسلام سپیڅلی دین د سیاست په برخه کې تر ټولو غوره لارښوونې لري او اسلامي حکومت  د انسان د ژوند په تاریخ  کې تر ټولو غوره  سیاسي نظام دی.

ښاغلي برهاني ټول کارمندان و هڅول چې د ژوند په ټولو چارو کې د اسلام د سپيڅلي دین لارښوونې عملي  کړي.