د ارغنداب، هلمند او نورو سیندونو څخه د واټرپمپونو په وسیله د اوبو د بې رویې ګټې اخیستنې د مخنیوي په موخه غونډه ترسره شوه
یاده غونډه د اوبو او انرژي وزارت د اوبو معین ښاغلي مجیب الرحمن عمر آخندزاده په مشري، د کرنې، اوبو لګونې او مالداري وزارت د اوبو لګونې او طبیعي سرچینو معین ښاغلي مولوي باز محمد فیضان او د وزارتونو او دولتي اداراتو د ساتنې قطعې قوماندان ښاغلي مولوي عزیزالله محمود په شتون کې د اوبو او انرژي وزارت د اوبو په معینیت کې ترسره شوه.
په یاده غونډه کې د بېلابېلو موضوعاتو په ځانګړي توګه د کابینې د 13/8/1444 نیټې د ۲۶ مصوبې د دریم بند په هکله چې پکې د ارغنداب، هلمند او نورو سیندونو د څیړنې په هکله پریکړې شوي وې، بحث او د اندونو تبادله وشوه او د کندهار، هلمند، ارزګان او زابل ولایتونو د خلکو د ستونزو د څیړلو په موخه به یو پلاوی د اوبو او انرژي وزارت د اوبو معین ښاغلي مجیب الرحمن عمر آخندزاده په مشري یادو ولایتونو ته سفر وکړي.
ښاغلي مجیب الرحمن عمر آخندزاده، د واټرپمپونو په وسیله د اوبو څخه د استفادې په برخه کې د یادو ولایتونو د خلکو د ستونزو د حل او د هغو ولایتونو د سیندونو د څیړلو په موخه ژر تر ژره د دغه سفر په ترسره کېدو باندې ټینګار وکړ او اړین تصمیمونه ونیول شول.
