د آمو سیند څنډو د ټينګښت رئيس د تخار له والي سره وکتل
د آمو سیند څنډو د ټینګښت رئيس محترم مولوي وکیل احمد نقي او ورسره مل د دغه ریاست تخنیکي سلاکار انجنير سيدرحمن ځدران تخار ولایت ته سفر وکړ او د دغه ولایت له والي محترم مولوي سميع الله (حزب الله) سره یې وکتل.
په دغه لیدنه کې، ښاغلي نقي د دغه ریاست د مسؤلیتونو او راتلونکو پلانونو په هکله اړین معلومات د تخار له والي سره شریک کړل او هغه د همکاري ژمنه وکړه.
همدارنګه، د آمو سیند څنډو د ټینګښت رئيس د تخار ولایت د خواجه غار، دشت قلعه، خواجه بهاوالدین، ینګي قلعه او چاه آب له ولسوالانو سره یې په جلا، جلا لېدونو کې په چارو کې د لا ښه سمون او همغږي په موخه وکتل.
همدغه راز، ښاغلي نقي د تخار ولایت په خواجه بهاوالدين ولسوالي کې مېشت د دغه ریاست د سيمه ايز آمريت له کارمندانو سره وکتل او هغوی ته یې د چارو غوره پرمخ وړلو په موخه اړینې لارښوونې وکړې. د نوموړي آمریت مسؤلینو په دغه لیدنه کې خپلې ستونزې او وړاندیزونه له ښاغلي نقي سره شریک کړل او ورته د رسیدګي غوښتنه یې وکړه.
په ورته مهال، ښاغلي نقي د نوموړي سیمه ایز آمریت له مسؤلینو سره د هغوی ستونزو او وړاندیزونو ته د رسیدګي په موخه ژمنه وکړه.
