درنو هېوادوالو!
د اقلیم بدلون په تېرو دوو لسیزو کې د هېواد د اوبو سرچینو باندې د پام وړ اغېزې کړې، کوم چې د باران ورېدو رژيم، د هوایي سفحو د جریان رژیم او په ځانګړي ډول په کابل کې د ځمکې لاندې اوبو رژيم يې بدل کړی دی.
له درنو هېوادوالو څخه هیله کوو، چې د یادو شوو ستونزو په پام کې نیولو او د واورې او باران (ژمي) موسم راتلو سره لاندې اقداماتو په پام کې ونیسي، تر څو له دغه لارې د ځمکې لاندې اوبه پياوړې او تغذیه کړو.
- په باغونو او خاورینو سیمو کې واورې راټولې او ذخیره کړئ.
۔ د بام او حویلۍ واورې په باغچو کې راټولې کړئ، د حویلۍ انګړ او او خاورین چاپېریال د واورې راټولولو لپاره يو له مناسبو ځایونو څخه شمېرل کيږي، چې په آسانه سره کولی شو دغه چاره ترسره کړو.
۔ په دغه کار سره موږ کولی شو، چې د ځمکې لاندې اوبو ډېره برخه ذخیره کړو، یو له لوري به د ځمکې لاندې اوبه سطحه پورته ولاړه شي، او بل لور ته به باغچې او خاورینو سیمې تر یو وخت لندې وساتل شي، چې په ټول کې دا زموږ د ژوند چاپېریال تازګي او زرغونتیا لامل کيږي.
- په خاورینو او جذبي ځایونو کې له بامونو څخه د باران اوبه راټولول
۔ د باران اوبو راټولول، د اوبو ذخیره کولو او ساتلو تر ټولو ساده لار ده، چې له موږ او تاسو څخه هر یو کولی شو د حویلۍ انګړ، د کوڅو جذبي لوریو، د سړکونو ګلدانونو او خپلو چاپېریال کې تر سره کړو او د خپل ښار او سیمو د ځمکې لاندې اوبو سرچینو پياوړي کولو لامل شو، تر څو وکولی شو، لا اقل د خپل ځان او کورنیو د څکلو اوبو اړتیاوې پوره کړو.
د اوبو د چارو د تنظیم ملي اداره
