خوست ولایت کې د ۱۲۰۶ متره په اوږدوالي د یوۀ کانال د رغولو چارې د نږدې ۹۴ زره ډالرو په لګښت پیل شوې
د شمل خرم سیندیزې فرعي حوزې رئیس، مولوي عبدالقیوم ثابت د یاد ریاست تخنیکي ټيم په ملتیا او د ګڼ شمېر مشرانو او ځایي اوسېدونکو په شتون کې د خوست ولایت اسمعیل خېلو او مندوزیو ولسوالي اړوند د آرخېلو سیمې کانال د جوړولو چارې پرانیستې.
د نوموړې سیندیزي حوزې رئیس د یادې پروژې د پرانیست غونډې پرمهال ګډون والو ته ډاډ ورکړ چې د اسلامي امارت په واکمنېدو سره د بیارغونې کارونه په چټکي سره روان دي او د هېواد په مختلفو برخو کې لویې او کوچنۍ د بیارغونې پروژې پلي کېږي.
د یادونې وړ ده چې د نوموړي کانال د رغولو چارې د اف، اې، او مؤسسې لخوا د یو کورني شرکت له لوري د شمل خرم سیندیزې فرعي حوزې تر څارنې لاندې د ۹۳۸۱۴ دري نوي زره آته سوه څوارلس امریکایي ډالرو په لګښت پیل شوې.
نوموړی کانال د ۱۲۰۶ متره اوږدوالي په درلودلو سره ۷۳۰ کورنیو ته د څښلو اوبو رسولو او ۱۲۲ هکتاره ځمکې د خړوبولو ظرفیت لري چې د رغولو چارې به یې د ۶ میاشتو په موده کې بشپړې شي.
