بغلان ولایت کې د یوه کانال د لاینینګ د چارو له بهیر څخه څارنه وشوه
د بغلان د سیندیزې فرعي حوزې رئيس محترم ملا محمد عمر انس او ورسره مل د دغه ریاست سلاکار او د بغلان ولایت د ده صلاح ولسوال په نوموړې ولسوالي کې د یوه کانال د لاینینګ د چارو له بهیر څخه څارنه وکړه او اړوندو مسؤلینو ته یې د چارو د غوره پرمخ وړلو په موخه اړیني لارښوونې وکړې.
نوموړی کانال ۳ کیلو متره اوږدوالي لري، چې پکې ۳ پلګوټي او ۶ دراپونه هم شامل دي.
د دغې پروژې چارې د ایف، اي، او موسسې په مالي لګښت د بغلان د سیندیزې فرعي حوزې تر څارنې لاندې پرمخ وړل کېږي، چې پکې ګڼ شمېر خلکو ته د کار زمینه چمتو شوې او د چارو په بشپړېدو سره به یې ۲۵۰۰ جریبه کرنیزه ځمکه خړوبه شي.
