اوبو د چارو تنظیم ملي ادارې کارکوونکیو ته د جنډر مسایلو پوهاوي ورکشاپ ورکړل شو
د اوبو د چارو د تنظیم ملي ادارې تخنیکي مرستیال محترم انجنیر احمد ویس بصیري او اسیايي پراختیا بانک د برنامو مدیریت مرکزي دفتر (CPM-O) رئیس انجنیر سید مقیم سادات په حضور کې د اوبو چارو د تنظیم ملي ادارې، کرنې او کلیو پراختیا وزارت ۴۰ کارکوونکیو لپاره د جنډر اړوند مسایلو په اړه د برنامو مدیریت مرکزي دفتر (CPM-O) له لوري دوه ورځنی ورکشاپ دایر شو.
په دې ورکشاپ کې ګډونوالو ته د اوبو په مدیریت او چارپیریال ساتنه کې د مېرمنو رول، پر یو بل د مېرمنو او سړیو حقونو او د مېرمنو او کوچنیانو د ځورولو مخنیوي قانون په اړه اړین معلومات ورکړل شول.
په دې ورکشاپ کې د اوبو د چارو د تنظیم ملي ادارې تخنیکي مرستیال محترم انجنیر احمد ویس بصیري د پرمختیايي پروژو د پلي کېدو او د پوهاوي ورکشاپونو دایرولو په برخه کې د اسیايي پراختیا بانک له همکارۍ مننه وکړه او د اسلام په تاریخ کې د مېرمنو رول او د هېواد تاریخ جوړونکیو مېرمنو، د هېواد په پرمختګ او ابادۍ کې د مېرمنو فعاله ونډه او ګډون اړین وبلل.
محترم احمد ویس بصیري د کابل سیندیزې حوزې عمومي رئیس انجنیر فومن فروغ رییس له بېسارو کړنو څخه په مننې وویل: "د اوبو د چارو تظیم ملي ادارې رهبري مقام تل د دې ادارې په چوکاټ کې د مېرمنو ملاتړی دی او د دې ادارې په چوکاټ کې د مېرمنو خوځنده نقش پیاوړی کوي." محترم بصیري یادونه وکړه: "له نېکه مرغه اوسمهال د جنډر استازې د ابو د چارو د تنظیم ملي ادارې په ټولو کاري کمېټو کې څرګنده ونډه لري."
همداراز د (CPM-O) رئیس انجنیر سید مقیم سادات د اوبو چارو سمبالښت په برخه کې د مېرمنو اهمیت په اړه وویل: "اسیايي پراختیا بانک تل د هېواد په پرمختیايي پروژو کې د مېرمنو په ګډون ټینګار کړی او او د مېرمنو حضور په برخه کې همکاري کوي."
ورته مهال د کابل سیندیزې حوزې عمومي رئیس فومن فروغ د اوبو د چارو تنظیم ملي ادارې له رهبري مقام څخه مننه وکړه چې په تشکیلاتي ساختیار کې د مېرمنو له ونډې ملاتړ کوي او دا ډول ورکشاپونه دایروي.
د یادولو ده چې په دې دوه ورځني ورکشاپ کې ګډونوالو ته د جنډر اړوند مسایلو پوهاوي په اړه اړین معلومات ورکړل شول.
