پکتیکا ولایت کې یو سربند او استنادي دېوال د ۶ میلیونه افغانیو په لګښت ګټې اخیستنې ته وسپارل شول
د پکتیکا ولایت په سرحوضې او خیر کوټ ولسواليو کې یو سربند او استنادي دېوال د ۶ میلیونه افغانیو په لګښت د پکتیکا والي محترم مخدوم عبدالسلام سعادت، د پکتیکا د اوبو او انرژي رئیس محترم قاري فتح محمد ذاکر او یو شمېر نورو مسؤلینو په شتون کې ګټې اخیستنې ته وسپارل شول.
د دغو پروژو ګټې ته په سپارلو سره 50 جریبه کرنیزه ځمکه له ویجاړیو څخه خوندي او د 50 جریبه ځمکې خړوبولو ته زمینه چمتو شوه.
د نوموړو پروژو چارې د یو. این. ډي. پي موسسې په مالي لګښت د پکتیکا ولایت د اوبو او انرژي ریاست تر څارنې لاندې پرمخ وړل کېدې.
