پکتيا ولايت کې د ۲۱۳ مترو په اوږدوالي د يو استنادي دیوال تخنیکي سروې ترسره شوه.
د پکتيا سينديزې فرعي حوزې تخنیکي ټیم د یاد ولایت مرکز ګردیز اړوند د کوچي خيلو په سيمه کې د بهيدونکي جلګې خوړ د څنډو د ټينګښت په موخه د ٢١٣ مترو په اوږدوالي د يو استنادي دیوال تخنیکي سروې ترسره کړه.
په دغه تخنیکي سروې کې د نوموړې سیمې توپوګرافي، هايدرولوژيکي، جيولوژيکي او ټولنيز ارقام هم راټول شول.
د پکتيا سينديزې فرعي حوزې رئیس الحاج مولوي محمد کریم فاتح وويل، چې د یاد استنادي دیوال د ډيزاين پروسه به هم ډیر ژر پيل شي، چې د چارو په بشپړېدو سره به یې ګڼ شمیر د استوګنې کورونه او لسګونه جريبه کرنيزې ځمکې د سيلابونو له ویجاړیو څخه خوندي شي.
