له څېړني پرته څرګندونو او بیړني قضاوت د مخنیوي په هکله د دعوت او ارشاد روزنیز او اصلاحي سمینار ترسره شو
یاد سمینار د وزارت د جومات د ملا امام ښاغلي قاري مولوي سید محمد هارون له خوا د قرآن کریم د څو آیاتونو په تلاوت سره پيل شو، وروسته د اوبو او انرژي وزارت د دعوت او ارشاد رئيس ښاغلي مولوي ګل رحمن عارف خبرې وکړې.
د اوبو او انرژي وزارت د دعوت او ارشاد رئيس په دې سمینار کې بیړني قضاوتونه او له څېړنې پرته څرګندونې د ناوړه اعمالو له ډلې څخه وګڼل او پر مخنیوي باندې یې ټینګار وکړ.
همدارنګه ښاغلي مولوي عارف د دیني علومو زده کړې معنوي ارزښتونو ته په اشارې سره ، د وزارت له کارمندانو څخه یې وغوښتل چې په مادي او معنوي چارو کې د اسلام د سپیڅلي دین د لارښوونو او ارشاداتو څخه پيروي وکړي.
