د ۱۴۰۳ کال بودجې د مصرف د څرنګوالي او د اوبو معینیت د پروژو د پرمختګ وضعیت د اروزنې په هکله ځانګړې ناسته ترسره شوه
دغه ناسته د اوبو او انرژي وزارت د اوبو معین محترم مجیب الرحمن عمر آخندزاده تر رهبري لاندې د مالي او اداري د عمومي رئيس، د مالي رئيس، د تدارکاتو رئيس، د اوبو سکتور د رئيسانو او د یو شمېر نورو تخنیکي مسؤلینو په شتون کې ترسره شوه.
د ناستې په بهیر کې، د پراختیایي او عادي بودجو د مصرف د څرنګوالي او د اوبو د پراختیایي پروژو د وضعیت پرمختګ لکه د شاه او عروس ، کمال خان ، پاشدان ، بخش آباد او پلتوني بندونو ، د څنډو د تحکیماتو، چکډمونه او د اوبو تاسیساتو د ساتنې او پاملرنې پروژې تر بحث او ارزونې لاندې ونیول شول.
د اوبو محترم معین د بودجې د مصرف د څرنګوالي په تړاو د رئيسانو د راپورونو او د اوبو پروژو د پرمختګ وضعیت تر ارزونې وروسته، اړوندو رئيسانو ته د بودجې د لا ډېرې اغېزمنتیا او د پروژو د پر وخت بشپړولو په موخه اړینې لارښوونې او سپارښتنې وکړې.
