د پکتيا ولايت په مرکز ګردېز کې د بر کوچي خېلو استنادي دېوال پروژه پېل شوه.
د پکتیا اوبو او انرژي رياست له لوري د دغه ولایت په مرکز ګردېز کې د بر کوچي خېلو استنادي دېوال پرمختيايي پروژه، چې ٢٧٧ متره اوږدوالى او د بنسټ په شمول ٤.٧ متره لوړوالى لري د ٨٣٥٩٢٩٠.٨٧٥ اته مېليونه درې سوه نهه پنځوس زره دوه سوه نوي اعشاريه اته، اوه او پينځه افغانيو په ارزښت پېل شوه.
ددغې پروژې د پلي کولو تړون د اوبو او انرژي وزارت او د یو خصوصی شرکت ترمنځ شوى دى او د ٤ مياشتو په موده کې به يې چارې بشپړ شي.
ددغې پروژې په بشپړېدو سره به لسګونه استوګنځي او د ١٢٠ جريبه زياته کرنېزه ځمکه د سېلاب له ويجاړيو وژغورل شي.
