د هغو کارمندانو څخه چی د کاست(COST) نهاد سره مرسته کړی وه وستایل شول
د اوبو او انرژي وزارت سرپرست ښاغلی انجنیر محمد گل خُلمی د یوې ناستی په ترڅ کې د اوبو او انرژي وزارت د مالی او اداری مرستیال ښاغلی الماس زاخیلوال او د نورو رئیسانو او سلاکارانو په ګډون د افغانستان بنسټیزې روڼتیا نوښت(COST)، د ډاډ ورکولو دوهم راپور په ټولګټو زېربنایي پروژو کې د اوبو او انرژي وزارت د لومړی مقام ترلاسه کولو څخه قدرداني وکړه او د دغه وزارت د اطلاعاتو څانګې کارمندانو د کارونو څخه ستاینه وکړه.
ښاغلی خُلمی د افغانستان بنسټیزې روڼتیا نوښت(COST)، د ډاډ ورکولو دوهم راپور په ټولګټو زېربنایي پروژو کې د اوبو او انرژي وزارت د لومړی ځای ترلاسه کول د اطلاعاتو او روڼتیا په برخه کې یوه ښه لاسته راوړنه وبلله او د لا زیاتو معلوماتو په خپرولو یې ټینګار وکړ.
دا په داسي حال کی دی چی د افغانستان بنسټیزې روڼتیا نوښت، د ډاډ ورکولو دویم راپور په ټولګټو زېربنایي پروژو کې روڼتیا او ځواب ویلو ته په پاملرنی سره د لنیدی د میاشتی په ۵ نيټه د حکومت د اطلاعاتو او رسنيو مرکز خپور کړ.
د ډاډ ورکولو په دویم راپور کې، د اوبو او انرژي وزارت د ۳۳۰ زیربنایی پروژو په اړه د اطلاعاتو خپرولو سره د ۱۵ تدارکاتي بنسټونو په مینځ کې لومړی مقام ترلاسه کړه.
