د نړیوال بانک او د اسیا پراختیايي بانک مقروضیتونو داسنادو د ارزونې ناسته د وزارت د حقوقي مشاوریت په دفتر کې ترسره شوه.
دغه ناسته د اوبو او انرژي وزارت د حقوقي سلاکار ښاغلي سید عطاالله صدیقي په مشرۍ د کمېتې د غړو په ګډون ترسره شوه.
د ناستې په ترڅ کې له اړوندو ادارو څخه ترلاسه شوي اسنادونه د ناستې د غړو له خوا وڅیړل شول او د پروسې د لا ښه والي او د شفافیت د رامنځته کولو په موخه د مالیې وزارت د استازي له خوا لازمې لارښوونې وشوې.
د يادونې وړ ده، چې دغه کمېټه د نړيوال بانک او د اسيا پراختيايي بانک د مقروضیتونو د تثبیت لپاره ټاکل شوې ده او تثبیت شوي پورونه به د اوبو او انرژي وزارت له منظوري وروسته ماليې وزارت ته واستوي.
