د قوشتیپې کانال د لومړي فاز د دوهمې برخې(لاټ) د ودانیو د قرارداد د څېړلو په هکله ناسته ترسره شوه
دغه ناسته د اوبو او انرژي وزارت د اوبو معین محترم مجیب الرحمن عمر آخندزاده تر مشري لاندې د کرنې، اوبو لګولو او مالداري وزارت د مقام سلاکار محترم عزیزالرحمن رحماني او د ټولګټو او اوبو او انرژي وزارتونو او یو شمېر نورو اړوندو ادارو د رئيسانو او تخنیکي مسؤلینو په شتون کې ترسره شوه.
په دغه ناسته کې، د اړوندو وزارتونو او ادارو تخنیکي مسؤلینو د قوشتیپې کانال د لومړي فاز د دوهمې برخې د ودانیو د قرارداد د څېړلو د بېلابېلو برخو په هکله بحث او د اندونو تبادله وکړه.
د اوبو محترم معین په دغه ناسته کې د نوموړې پروژې د لومړي فاز د دوهمې برخې د ودانیو د قرارداد د څېړلو په هکله د تخنیکي مسؤلینو د اندونو او وړاندیزونو تر اورېدلو وروسته، اړوندو مسؤلینو ته اړینې لارښوونې وکړې او پرېکړه یې وکړه، چې دغه موضوع دې په راتلونکي اونۍ کې د اړوندو وزارتونو او ادارو د مسؤلینو په شتون کې په یوه ناسته کې د اړینو تصمیمونو د نیولو په موخه په هر اړخیزه توګه وڅېړل شي.
