د صنعت او سوداګرۍ په وزارت کې د برېښنا انرژي د سپما په هکله د پوهاوي ورکولو برنامه ترسره شوه
د اوبو او انرژي وزارت له لوري د صنعت او سوداګرۍ په وزارت کې د برېښنا انرژي د سپما په هکله د پوهاوي ورکولو برنامه، د یاد وزارت د کارمندانو په ګډون ترسره شوه.
د انرژي تحفظ آمر انجنیر فضل الرحیم سلطاني او د انرژي د مثمریت آمر انجنیر احمد ضیا فیروز د انرژي د سپما د ارزښت او د انرژي د سپما د لارو چارو په هکله ګډونوالو ته د یو پرزنتیشن په ترڅ کې معلومات وړاندې کړل او ددغه برنامې د ترسره کولو موخه یې د برېښنا انرژي د سپما او د انرژي څخه غوره او موثره ګټې اخیستنې ته د وده ورکولو په هکله پوهاوی ورکول وبالهٔ.
د یادونې وړ ده، چې دغه ډول برنامې د اوبو او انرژي وزارت له لوري په بېلابېلو وزارتونو کې ترسره شوې او په راتلونکې کې به هم دوام ولري.
