د برېښنا انرژي د مارکېټ تخنیکي رئيس په کندز ولایت کې د افغان یار حنظله د برېښنا د تولید له بند څخه لیدنه وکړه
د برېښنا انرژي د خدمتونو د تنظیم د لوی ریاست د پلان له مخې د هغو شرکتونو د څارنې، ارزونې او بیاکتنې په موخه چې د برېښنا انرژي عرضه کوي، د برېښنا انرژي د مارکېټ د تخنیکي رئیس محترم انجنیر همت الله امین زي په مشري یو تخنیکي پلاوي کندز ولایت ته سفر وکړ او د دغه ولایت د دشت ارچي ولسوالي په حصاره سیمه کې د افغان یار حنظله د برېښنا د تولید له بند څخه لیدنه وکړه.
دغه کاري ټیم د خپل سفر په څنډه کې د پنج آمو سیندیزې حوزې له لوی رئیس محترم مولوي عبدالحکیم حاجي حکمت سره وکتل.
په دې ناسته کې د هر اړخیزو موضوعاتو او معلوماتو تر څنګ د نظر تبادله وکړه او د کندز په ولایت او اړوندو ولسوالیو کې د تخنیکي معلوماتو د راټولولو په موخه یې د برېښنا خدمتونو د تنظیم عمومي ریاست له خوا ترتیب شوي فورمو په اړه هر اړخیزې خبرې وشوې.
همدارنګه د کندز د برېښنا لخوا شرشره بند د امانت اخیستل شويو ترانسفرمرونو موضوع او نورو تخنیکي جزئیاتو د روښانه کولو په موخه ګمارل شوي ټیم د کندز برېښنا له رئیس سره ناسته وکړه او د همدغو بحثونو په ترڅ کې یې د کندز برېښنا له لوري دوه تنه استازي د دشت ارچي ولسوالي د شرشرې سیمې ته له مؤظف ټيم سره واستول چې ساحه له نږدې وویني، چې په نتیجه کې پلاوی سیمې ته لاړ او ساحه کې یې اړوندې موضوع ته رسیدګي وکړه.
