د بخش آباد بند د چارو د پرمختګ او د وضعیت د څېړلو او ارزولو په موخه د لا ښې همغږۍ ناسته وشوه.
د فراه ولایت د بخش آباد بند د چارو وضعیت د پرمختګ د څېړلو په موخه د همغږۍ ناسته د اوبو د چارو تنظیم ملي ادارې عمومي رئيس انجنیر خان محمد تکل په مشرئ د دغه ولایت د ولس استازو او قومي مشرانو، د ادارې د تخنيکي ټيم او قرار دادي شرکت په ګډون ترسره شوه.
په دغه ناسته کې د بخش آباد بند پروژې د کار عملي چارو په وضعیت او د کار په چټکتیا بحث او خبرې اترې وشوې.
د اوبو چارو د تنظیم ملي ادارې عمومي رئيس د پروژې د ارزښت یادولو تر څنګ د کار په چټکتیا ټينګار وکړ او زیاته یې کړه، چې یاده جلسه دې د تیر په څېر د چارو د لا ښه پرمختګ په موخه په دوامدر ډول دوام پيدا کړي.
په ورته وخت کې د فراه ولایت د ولس استازو د اوبو د چارو د تنظیم ملي ادارې د کار ارزښت ته په پام سره وویل چې د چارور لا ښه پرمختګ په موخه هر ډول همکارۍ ته ژمن دي.
یاده دې وي، چې د بخش آباد د اوبو لګولو او برېښنا بند به له رغونې وروسته د ٢٧ میګاواته بريښنا تولید ارزښت ولري، ۱۳۶۴ میلیونه متره مکعب اوبه به ذخیره کوي او ۶۸ زره هکټاره ځمکه به خړوبوي.
د اوبو چارو د تنظیم ملي اداره
