د اوبو معین د دغه وزارت د سترو پروژو له مدیرانو سره د دغو پروژو د فزیکي چارو د پرمختګ او شته ستونزو د هوارولو په هکله خبرې، اترې وکړې
د اوبو او انرژي وزارت د اوبو معین محترم مجیب الرحمن عمر آخندزاده د دغه وزارت د یو شمېر رئيسانو په شتون کې د پاشدان بند، بخش آباد بند، کجکي بند، کمال خان بند او د خروار بند د دوهمې برخې د حفظ او مراقبت پروژو له مدیرانو سره وکتل او د نوموړو پروژو د فزیکي چارو د پرمختګ او شته ستونزو د هوارولو په هکله بحث او د اندونو تبادله وکړه.
په دغه ناسته کې، د نوموړو پروژو مدیرانو د پروژو د فزیکي چارو د پرمختګ او شته ستونزو په هکله اړین معلومات د اوبو محترم معین حضور ته وړاندې کړل.
په ورته مهال، د اوبو محترم معین د نوموړو پروژو د مدیرانو د راپور تر اورېدلو وروسته، هغوی ته د چارو د غوره پرمخ وړلو او چټکتیا او د شته ستونزو د هوارولو په موخه اړینې لارښوونې وکړې.
