د اوبو معینیت اونیزه تخنیکي ناسته ترسره شوه
دغه ناسته د اوبو او نرژي وزارت د اوبو معین محترم مجیب الرحمن عمر اخندزاده تر مشري لاندې د اوبو سکتور د رئیسانو، سلاکارانو او تخنیکي مسؤلینو په ګډون تر سره شوه.
په دغه ناسته کې په کابل کې د کرنیزو فارمونو د خړوبولو په موخه د څاګانو لهٔ کیندلو سره د موافقې او نه موافقې، د هېواد په ولایتونو کې د مؤسساتو د دندو د وېش او ستونزو د حل په هکله د اقتصاد لهٔ وزارت سره د همغږي او لۀ چهار آسیاب ولسوالي څخه کابل ښار ته د اوبو رسولو په هکله بحث او د اندونو تبادله وشوه،
د ناستې پهٔ بهير کې رئیسانو او مسؤلینو د یادو موضوعاتو د څرنګوالي په هکله د اوبو له محترم معین سره مفصل معلومات شریک کړل.
ښاغلي معین د یادو موضوعاتو تر ارزولو وروسته اړونده مسؤلینو ته اړینې سپارښتنې او لارښوونې وکړې.
