د اوبو او انرژي سرپرست وزیر د هرات د برېښنا له رئيس سره وکتل
د اوبو او انرژي سرپرست وزیر محترم الحاج ملا عبداللطیف منصور نن سهار د هریرود- مرغاب سیندیزې حوزې د عمومي رئيس محترم مولوي عبدالسلام مستوفي آغا، د لاندني هریرود- مرغاب سیندیزې فرعي حوزې د رئيس محترم مفتي سردار ولي مزمل په ملتیا د هرات د برېښنا له رئيس محترم الحاج معراج صاحب سره وکتل او په دغه ولایت کې یې د برېښنا ستونزو او د نورالجهاد سب سټیشن په هکله خبرې، اترې وکړې.
په دغه لیدنه کې ښاغلي معراج صاحب د برېښنا په برخه کې د یاد ولایت ستونزې او وړاندیزونه د اوبو او انرژي له سرپرست وزیر سره شریک کړل او د هوارولو غوښتنه یې وکړه.
په ورته مهال، د اوبو او انرژي سرپرست وزیر په دغه لېدنه کې له خپلې خوا د دوی ستونزو ته د رسيدګي په هکله ډاډ ورکړ.
