تخار ولایت کې د پنج آمو سیند د څنډو د تحکیماتو د اووم لاټ(برخې) پروژې چارې ۱۰ سلنه بشپړې شوې دي.
د تخار ولایت د ینګي قلعې ولسوالي په یتیم تپه کلي کې د پنج آمو سیند د څنډو د تحکیماتو د اوومې برخې پروژې چارې ۱۰ سلنه بشپړې شوې دي.
نوموړې پروژه د اوبو او انرژي وزارت له لوري یو داخلي شرکت ته د اوه څلوېښت میلیونه، څلور سوه اته زره، اووه سوه، اته دېرش (۴۷،۴۰۸،۷۳۸) افغانیو په ارزښت په قرارداد ورکړل شوی، چې د چارو په بشپړېدو سره به یې ګڼ شمېر د استوګني کورونه او بڼونه د پنج آمو سیند له ویجاړیو څخه خوندي شي او همدارنګه به سلګونه جریبه ځمکه د کرهنې لپاره چمتو شي.
