په فاریاب ولایت کې د سرآسیاب کانال استنادي دیوال پروژه د څه باندې سل زره افغانیو په ارزښت ګټې اخیستنې ته وسپارل شوه
د فاریاب ولایت په پښتونکوټ ولسوالي کې د سر آسیاب کانال استنادي دیوال پروژه د یوسلو درې شپيته زره، څلورسوه او پنځه نوي افغانيو(۱۶۳۴۹۵) په ارزښت ګټې اخیستنې ته وسپارل شوه.
یاده پروژه د ناروي هېواد په مالي ملاتړ د اکتید موسسې له خوا د شیرین تګاب سیندیزې فرعي حوزې تر څارنې لاندې پلې شوه چې نږدې د ۱۰۰۵ جریبه کرنیزه ځمکې د خړوبولو وړتیا لري.
