په ۱۴۰۲ لمریز کال به په کاپیسا ولایت کې ۱۱۱ ټولګټې پروژې پلي شي
د کاپیسا سیندیزې فرعي حوزې رئيس ښاغلي انجنیر کاوه خروش چې د زیربناوو او طبیعي سرچینو د سکتور په ناسته کې ګډون کړی وو، وویل چې په ۱۴۰۲ لمریز کال کې به د کاپیسا ولایت په بېلابېلو ولسوالیو کې ۱۱۱ ټولګټې پروژې چې د یاد ریاست د مسؤلینو له خوا سروې او ډیزاین شوې دي، پلي شي.
ښاغلي خروش وویل چې په نوي لمریز کال کې به ۴۰ پروژې په تګاب ولسوالي کې، ۲۴ پروژې په نجراب ولسوالي کې، ۲۲ پروژې په آله سای ولسوالي کې، ۱۸ پروژې په محمود راقي ولسوالي کې، ۳ پروژې د کوهستان په دوهمې حصې ولسوالي کې، ۲ پروژې د کوهستان په لومړي حصې ولسوالي کې او ۲ پروژې د کوهبند په ولسوالي کې پلي شي.
